እስራኤል እና አረብ ኤሜሬቶች ታሪካዊ ከተባለለት ስምምነት ደረሱ

  • 59

እስራኤል እና አረብ ኤሜሬቶች ታሪካዊ ከተባለለት ስምምነት ደረሱ

የእስራኤሉ ጠቅላይ ሚንስትር ቤንያሚን ኔታኒያሁ እና የአቡ ዳቢው ልዑል አልጋ ወራሽ ሞሐመድ አል ናሃያን
የምስሉ መግለጫ,

የእስራኤሉ ጠቅላይ ሚንስትር ቤንያሚን ኔታኒያሁ እና የአቡ ዳቢው ልዑል አልጋ ወራሽ ሞሐመድ አል ናሃያን

እስራኤል እና የተባበሩት አረብ ኤሜሬቶች ግንኙነታቸውን ለማሻሻል ታሪካዊ ከተባለለት የሰላም ስምምነት መድረሳቸውን ፕሬዝደንት ዶናልድ ትራምፕ ይፋ አደረጉ።

ፕሬዝደንት ትራምፕ፣ የእስራኤሉ ቤንያሚን ኔታኒያሁ እና የአቡ ዳቢው ልዑል አልጋ ወረሽ ሞሐመድ አል ናሃያን በጋራ በሰጡት መግለጫ በሁለቱ አገራት መካከል የተደረሰውን ስምምነት "በመካከለኛው ምስራቅ ሰላም ለማስፈን ታሪካዊ እና ፈር ቀዳጅ ነው" ብለውታል።

በሁለቱ አገራት መካከል የተደረሰው ስምምነት እስራኤል አወዛጋቢውን በዌስት ባንክ የምታደርገውን የሰፈራ እቅዷን ያሰቆማል ተብሏል።

እስከዛሬ ድረስ እስራኤል በባህረ ሰላጤው አገራት ምንም አይነት ዲፕሎማሲያዊ ግንኙነት አልነበራትም።

ኢራን በቀጠናው ያላት ተጽእኖ ፈጣሪነት፤ የእስራኤል እና የተባበሩት አረብ ኤሜሬቶች የጋራ ስጋት በመሆኑ ሁለቱን አገራት ሳያቀራርብ አልቀረም ተብሏል።

ፕሬዝደንት ትራምፕ ስምምነቱን ይፋ ሲያደርጉ፤ በምላሹ ኔታኒያሁ በሂብሩ ቋንቋ "ታሪካዊ ቀን" ሲሉ በትዊተር ገጻቸው ላይ አስፍረዋል።